ആഴ്ച്ചകൾ - പൗരസ്ത്യവും, പാശ്ചാത്യവും

സൂര്യൻ പ്രാപഞ്ചിക ചലനത്തിൽ വ്യതിചലിയ്ക്കുന്ന സ്ഥാനങ്ങളെ ആപേക്ഷികമായി സ്ഥിരമായി സങ്കൽപ്പിച്ച്, അഥവാ 12 രാശികളാകുന്ന വഴികളിലൂടെയുള്ള യാത്രകളായി സങ്കൽപ്പിച്ചുള്ള പൌരസ്ത്യ ജ്യോതിശാസ്ത്രവും, തന്മൂലം പടിഞ്ഞാറു നിന്നും കിഴക്കോട്ടുള്ള ഭൂമിയുടെ ഭ്രമണവും, അതിലൂടെയുള്ള വാർഷിക, മാസ, ആഴ്ച്ച, ദിവസ, മണിയ്ക്കൂർ അളവുകളും അല്പ്പം പോലും വ്യത്യാസമില്ലാതെ ഭൂമി കിഴക്ക് നിന്ന് പടിഞ്ഞാറോട്ട് ഭ്രമണം ചെയ്യുന്നതെന്ന സങ്കൽപ്പത്തിൽ നിർമ്മിച്ച പാശ്ചാത്യ ജ്യോതിശാസ്ത്രവും അവതരിപ്പിയ്ക്കുന്നു. ബി.സി. 10,000 നു മുമ്പേ തന്നെ പൗരസ്ത്യരും കുറഞ്ഞത് ബി.സി. 1000 ൽ എങ്കിലും പാശ്ചാത്യരും ഒരേ വഴിയിൽ വിപരീത ദിശകളിൽ സഞ്ചരിച്ച് തുടങ്ങി.

രവി - ഞായർ - സണ്‍ - എന്ന സൂര്യൻറ്റെ ദിവസം 

സോമ - തിങ്കൾ - മൂണ്‍ - എന്ന ചന്ദ്രൻറ്റെ ദിവസം

മംഗൾ - ചൊവ്വ - ട്യൂസ്സ് - എന്ന ചൊവ്വയുടെ ദിവസം

ബുധ - ബുധൻ - വോഡൻ - എന്ന ബുധൻറ്റെ ദിവസം

ഗുരു - വ്യാഴം - തർസ്സ് - എന്ന വ്യാഴൻറ്റെ (ബ്രഹസ്പതി) ദിവസം

ശുക്ര - വെള്ളി - ഫ്രൈ - എന്ന ശുക്രൻറ്റെ ദിവസം

ശനി - ശനി - സാറ്റേർണ്‍ - എന്ന ശനിയുടെ ദിവസം

ഇനി നമുക്ക് ട്യൂസ്സ്, വെഡ്നെസ്സ്, തർസ്സ്, ഫ്രൈ എന്നിവയെ വിശദമായി ഒന്ന് പരിശോധിയ്ക്കാം, ഇവയൊക്കെ ഗ്രീക്കോ ലാറ്റിനോ ആകയാൽ ഇംഗ്ലീഷിൽ അത് തന്നെ ആണോ എന്നറിയേണ്ടേ?

ട്യൂസ്സ് - ടിവിസ് - ജർമ്മൻ നിയമ യുദ്ധകാര്യ ദേവത ടിവാസ്സ് , ടൈർ, നോർസ്സ്; ലാറ്റിനിലും ഗ്രീക്കിലും ഈ ദേവൻ മാർസ് ആണ്, അപ്പോൾ നമ്മുടെ കല്യാണം മുടക്കി ചൊവ്വ തന്നെ. 

വോഡൻ എന്നാ ജർമ്മൻ ദേവനറ്റെ ദിനം.... വോഡൻസ്സ് ഡേ.... ഈ ജര്മ്മൻ ദേവൻ ജൂലിയൻ കാലഘട്ടത്തിൽ മെർക്കുറി എന്ന ധന, വ്യാപാര, വ്യവസായ, ദേവൻ ആണെന്ന് നിജപ്പെടുത്തി. അതായത് നമ്മുടെ ആദ്യഗ്രഹം ബുധൻ തന്നെ.

തർസ്സ് - സംശയം വേണ്ട ഗ്രീക്ക് ദേവൻ തോർ അഥവാ ജൂപ്പിറ്റർ തന്നെ ആ ദിവസത്തിനുടമ. ആകാശത്തിനും ഇടിമിന്നലിനും ഉടമയായ ആ ദേവൻ നമ്മുടെ ഇന്ദ്രനോളം വരും എങ്കിലും, ജൂപ്പിറ്റർ ആകയാൽ ബ്രഹാസ്പതിയും, ദേവഗുരുവും, വ്യാഴനും ആകുന്നു. അപ്പോൾ വ്യാഴാഴ്ച്ചയും ശരിയായി.

ഇനി ഫ്രൈ - പുത്രൻ അടുത്തിരുന്നു പറയുന്നു.. പൊരിച്ചത് മാത്രം കഴിയ്ക്കേണ്ട ദിവസമാണെന്ന്!

ഫ്രിജ്ജ് എന്ന ദേവനറ്റെ ദിനം.. ആൾ ചില്ലറ പുള്ളീയൊന്നുമല്ല ... നമ്മുടെ ഗ്രീക്ക് ദേവത ... പ്രേമത്തിൻറ്റെ, സൗന്ദര്യത്തിൻറ്റെ, രതിയുടെ, വിളവിൻറ്റെ , ഐശ്വര്യത്തിൻറ്റെ, കാമനകളുടെ ദേവത.. നമ്മുടെ ശുക്രൻ, വെള്ളിയാൽ തീർത്ത തേജോമയഗോളം .... വെള്ളിയാഴ്ച്ച തന്നെ.

ചുരുക്കിപ്പറഞ്ഞാൽ ഭൂമിയ്ക്ക് ചുറ്റുമുള്ള ഒരു നക്ഷത്രം, ഒരു ഉപഗ്രഹം, പിന്നെ 5 ഗ്രഹങ്ങൾ, യുറാനസ്സും ഗയ്യയും ആണെല്ലാ ഗ്രഹങ്ങൾക്കും മാതാ പിതാക്കളെങ്കിലും അവരെ പോലും ജ്യോതിശാസ്ത്രത്തിൽ ഗ്രീക്കുകാർ പോലും അടുപ്പിച്ചിട്ടില്ല. പൌരസ്ത്യ ശാസ്ത്ര സംഹിതകൾ തന്നെയാണാധാരം, പിന്നെ അഹന്തയാൽ കിഴക്ക് പടിഞ്ഞാറാക്കി എന്ന മാത്രം; ഈ പോക്ക് പോയാൽ ഗ്രീസിൽ തുടങ്ങുന്ന കഷ്ടകാലം നമ്മുടെ തെങ്ങ് കയറാൻ വന്ന് നില്ക്കുന്ന സായിപ്പിൽ അവസാനിയ്ക്കുമോ? അന്ന് സായിപ്പ് മലയാളം പഠിയ്ക്കുമോ? അതോ നമ്മൾ കരിക്കിന് " യൂ കട്ട് ഒണ്‍ലി ടെണ്ടർ കോക്കനട്ട് " എന്ന് അപ്പൂപ്പനെ കൊണ്ട് പറയിയ്ക്കേണ്ടി വരുമോ?

ഗ്രീക്കിനു സ്വസ്തി!