സുന്ദരനായ മഹാബലി ( Mahabali the Great )

സർഗ്ഗം 29, ബാലകാണ്ഡം, വാത്മീകി രാമായണം.

വനത്തിലേയ്ക്കുള്ള വഴിമധ്യേ, രാജർഷി വിശ്വാമിത്രൻ രാമനേയും, ലക്ഷ്മണനേയും സിദ്ധാശ്രമത്തിലേയ്ക്ക് കൂട്ടികൊണ്ട് പോയി. അദ്ദേഹം കുമാരന്മാരോടിങ്ങനെ പറഞ്ഞു " മഹാവിഷ്ണു ഈ ആശ്രമത്തിൽ വളരെ വർഷങ്ങൾ ജീവിച്ചിട്ടുണ്ട്. അത് അസുരചക്രവർത്തിയും വീരോചനൻറ്റെ പുത്രനുമായ മഹാബലി ദേവന്മാരെ പോലും അടക്കി വാണിരുന്ന കാലത്തായിരുന്നു. മൂന്നു ലോകങ്ങളും കീഴടക്കിയ ശേഷം മഹാബലി ഒരു വലിയ യാഗം നടത്തുവാനൊരുങ്ങി. ഈ സമയം അഗ്നിദേവൻറ്റെ നേതൃത്വത്തിൽ ദേവന്മാരുടെ ഒരു സംഘം മഹവിഷ്ണുവിനെ കണ്ട് സങ്കടം ഉണർത്തിച്ചു " അല്ലയോ ഭഗവാനേ, മഹാബലി ഒരു യാഗം നടത്താൻ ഒരുങ്ങുന്നു, ആ യാഗം തീരുന്നതിനു മുമ്പായി അവിടുന്ന് മഹാബലിയെ സന്ദർശിച്ച് ദേവന്മാരുടെ ഉന്നമനത്തിനു വേണ്ടത് ചെയ്യണം" ഈ അപേക്ഷപ്രകാരമാണു മഹാവിഷ്ണു വാമനരൂപം ധരിച്ചതും മഹാബലിയെ മറ്റൊരു ലോകത്തേയ്ക്കയച്ചതും. കുമാരന്മാർ ഇപ്പോൾ നിൽക്കുന്ന സ്ഥലത്താണു മഹാബലിയുടെ ശിരസ്സിൽ വാമനൻ പാദമമർത്തിയത്.

ഭാഗവതം സ്ക്കന്ധം 8 അദ്ധ്യായം 19

" ഇന്ദ്രനേയും മറ്റുള്ളവരേയും കിഴടക്കി മൂന്നും ലോകവും ജയിച്ച അസുരചക്രവർത്തി മഹാബലി നർമ്മദയുടെ തീരത്ത് ഒരു വലിയ യാഗം നടത്തി.

വിഷ്ണുപുരാണം അർഷ 1, അദ്ധ്യായം1; മത്സ്യപുരാണം അദ്ധ്യായം 1, 250, 251

അസുരന്മാർക്ക് മൃതരായവരെ ജീവിപ്പിയ്ക്കാൻ മൃതസഞ്ജീവനി എന്ന മന്ത്രം അറിയാമായിരുന്നു; എന്നാൽ ദേവകൾക്ക് ഇത് അവരിൽ ഗുണം ചെയ്തിരുന്നില്ല. അതിനാൽ വളരെ അധികം ദേവതകൾ മഹാബലിയുടെ നേതൃത്വത്തിലുള്ള അസുരന്മാരാൽ കൊല്ലപ്പെട്ടു. ഇനി പാലാഴി കടഞ്ഞ് അമൃത് കൈക്കലാക്കണം എന്ന് ചക്ഷുസൻ എന്ന മനുവിൻറ്റെ മന്വന്തരമായ ചക്ഷുസമന്വന്തരത്തിലെ ഇന്ദ്രനായിരുന്ന മന്ത്രധ്രുമൻ എന്ന ദേവേന്ദ്രൻ തീരുമാനിച്ചു. അസുരന്മാരുടെ സഹായം വേണമെങ്കിലും ഈ വിവരം അറിഞ്ഞാൽ അത് കൂടുതൻ പ്രശ്നങ്ങൾ സൃഷ്ടിയ്ക്കുമെന്നതിനാൽ, ദേവന്മാരുടെ നിധി ക്ഷീരസാഗരത്തിൽ വീണെന്നും അത് കടഞ്ഞാൽ പുറത്തെത്തുമെന്നും അതിൽ പങ്ക് നൽകാമെന്നും കളവ് പറഞ്ഞ് മഹാബലിയെയും അസുരന്മാരേയും ഒപ്പം നിത്തി.

വാമനപുരാണം അദ്ധ്യായം 77

അസുരചക്രവർത്തിയായ മഹാബലിയുടെ ഭരണത്തിൽ എല്ലാവരും അതീവ തൃപ്തരും, സന്തുഷ്ടരും ആയിരുന്നു; എന്നാൽ ബ്രാഹ്മണന്മാരും, ദേവന്മാരും അവർക്ക് പ്രത്യേകമായി ലഭിച്ചിരുന്ന ആനുകൂല്യങ്ങളിലും, സുഖഭോഗങ്ങളിലും ഉണ്ടാായ കുറവിനാലും, മറ്റുള്ളവർക്കൊപ്പം പരിഗണിയ്ക്കപ്പെട്ടതിനാലും, ചക്രവത്തിയുടെ പതനത്തിനു വഴി തേടി.

മഹാബലി എന്നതിനർത്ഥം അതിയായ ശക്തിയുള്ളവൻ എന്നാണ്. പിന്നെ മഹാബലി ജീവിച്ചിരുന്നതും, യാഗം നടത്തിയതും നർമ്മദയുടെ തീരതടങ്ങളിൽ അതായത് ഉത്തര - മദ്ധ്യ ഭാരതത്തിൽ ആയിരുന്നു. അദ്ദേഹത്തെ ആസ്ട്രലോയ്ഡ്ഡുകളുടെ സഹായത്തോടെ സഹ്യപർവ്വതം കടത്തി കേരളമെന്ന പാതാളത്തിലേയ്ക്കയച്ചു. അദ്ദേഹം നന്മ ചെയ്ത് ഇവിടേയും ജനപ്രീതി നേടി, ഒടുവിൽ മരണമടഞ്ഞപ്പോൾ ജനങ്ങൾ അദ്ദേഹം ദേവന്മാരാൽ ഇങ്ങോട്ട് നാടുകടത്തപ്പെട്ട ദിനം ഓണമായി ആഘോഷിച്ച് തുടങ്ങിയിരിയ്ക്കാം, ഒരു പക്ഷേ അദ്ദേഹം ജീവിച്ചിരിയ്ക്കെ തന്നെയും!

കേരളമെന്ന പതാളത്തെ അസുരരാജാക്ക്ന്മാർ ഭരിച്ചിരുന്നു, ഭാർഗ്ഗവരാമൻ ഒരു ഒളിപ്പോർ സംഘവും പരശുവുമായി വന്ന് ഒളിപ്പോരു നടത്തി അവരെയെല്ലാം പ്രജകളെ അടക്കം കൊന്നൊടുക്കി, കേരളം മോചിപ്പിച്ച് ബ്രാഹ്മണർക്ക് ദാനം നൽകി. പരശുരാമൻ നടത്തിയ കൂട്ടക്കൊലയാണു കന്യാകുമാരിയിൽ നിന്നും ഗോകർണ്ണത്തേയ്ക്ക് നടത്തിയ കോടാലിപ്രയോഗം!

നമ്മുടെ പൂർവ്വികനായ മഹാബലിയെ ദയവായി അപമാനിയ്ക്കരുത്!വയറുന്തിയ പരിഹാസ്യരൂപത്തിൻ നിങ്ങളതാസ്വദിയ്ക്കുന്നെങ്കിൽ, നിങ്ങളുടെ വയോവൃദ്ധരായ മാതാപിതാക്കളും നിങ്ങൾക്ക് പരിഹാസാപാത്രങ്ങൾ തന്നെ! ആ വയോധനനു ഇന്ദ്രനെ മുട്ടിലിഴയിച്ച ഒരു സുന്ദരയൗവനം കൂടിയുണ്ടെന്ന് മറക്കാതിരിയ്ക്കുക, എൻറ്റെ മഹാബലി ആരേക്കാളും സുന്ദരനാണ്.

മഹിഷൻ പിറന്ന അസുരകുലത്തിൽ ജനിച്ച അഭിമാനത്തോടെ അസുരവംശത്തിൽ ജീവിയ്ക്കുക!