ഇരട്ടത്തായ്പ്പ്

ആപദി കിം കരണീയം?

സ്മരണീയം പെരുന്ന ആസ്ഥാനം!

സ്മരണയും, ഇടനിലക്കാരും, നേരിട്ടും ബന്ധം വരുമ്പോൾ സമുദായ നേതാവ് ദില്ലിയിലെ രാജ്യസഭാ ഉപനേതാവ് കുര്യന് സൂര്യനെല്ലിയിൽ ചെയ്ത സഹായമൊഴിയുടെ മാസപ്പിരിവിൽ ചേർത്തപ്പോൾ, കാലണ വാങ്ങാതെ കേസ്സൊതുങ്ങി. മോഹൻലാൽ എന്നാ നടന്റെ താരമെന്ന ഗുഡ്വിൽ എങ്ങനെ സമുദായത്തിനായി ഉപയോഗിയ്ക്കണം എന്ന അതിബുദ്ധിമാനായ സുകുമാരാൻ നായരെ ആരും പഠിപ്പിയ്ക്കേണ്ടതില്ല. അങ്ങനെ മലയാളത്തിന്റെ മഹാനടനെ നേതാവ് വരച്ച വരയിൽ നില്ക്കുക മാത്രമല്ല, ഇരിയ്ക്കുകയും, കിടക്കുകയും,പെടുക്കുകയും ചെയ്യുന്നവനായി നായർ തൊഴുത്തിൽ കൊണ്ട് കെട്ടി.

ചേകവകുലം സംഘടിയ്ക്കണം, ഒന്നിച്ച് നില്ക്കണം, വിലപേശണം എന്ന ഉത്ഘോഷിയ്ക്കുന്ന നമ്മൾ നായർ സമുദായാംഗമായ മോഹൻലാലിനതേ കാര്യം നിഷേധിയ്ക്കുന്നതിൽ അപാകതയും, ഇരട്ടത്തായ്പ്പുമുണ്ട്.

ഇവിടെ വിഷയം ഇതൊന്നുമല്ല, നമ്മുടെ സമുദായത്തിലെ പല പ്രമുഖർക്കും ഇത് പോലെയുള്ള പ്രതിസന്ധികൾ നേരിടേണ്ടി വന്നിട്ടുണ്ട്. ആ സമയത്ത് നമ്മുടെ സംഘടന ഏത് രീതിയിലാണ് കൈകാര്യം ചെയ്യുന്നത്?

ആദ്യം പോക്കറ്റ് പരിശോധന, പിന്നീട് ആസ്തി പരിശോധന, അതിനപ്പുറം എന്ത് തരും? എന്ന ഡീൽ!

ഡീൽ നടന്നില്ലെങ്കിൽ ധാർമ്മികത, ആദർശം, എന്തിന്? എങ്ങനെ?

ഡീൽ നടന്നാൽ വ്യാജാരോപണം, സമുദായദ്രോഹം!

ഇവിടെയാണു എൻ .എസ്.എസ് വ്യത്യസ്തമാകുന്നത്. സമുദായ വിഭവശേഷികൾ തെറ്റും ശരിയും, ന്യാന്യായങ്ങൾ നോക്കാതെ സംരക്ഷിച്ച് കരുതി വയ്ക്കുന്നു, ആവശ്യ ഘട്ടങ്ങളിൽ ഉപയോഗിയ്ക്കാൻ ആയുധങ്ങളാക്കുന്നു. ഇപ്രകാരം 10% നടുത്ത് ജനസംഖ്യയുള്ള ഒരു സമുദായം 25% ജനസംഖ്യയുള്ള സമുദായത്തിന്റെ 3 ഇരട്ടി പ്രാതിനിധ്യം നിയമസഭയിലും, മന്ത്രിസഭയിലും, പൊതുവിഭവങ്ങളുടെ വിഭജനത്തിലും നേടിയെടുക്കുന്നു.

ഇതിൽ അസംതൃപതരായും നിരാശരായും നമ്മൾ കുതിരകയറേണ്ടതും, പൊങ്കാലയിടേണ്ടതും ആ സമുദായത്തിന്റേയും അവരുടെ നേതാവിന്റെയും നെഞ്ചത്താനോ?

അതോ സ്വന്തം കർമ്മഫലങ്ങൾ ഇന്റലിജൻസ്സ് റിപ്പോർട്ടായി ഉയർത്തിക്കാട്ടി ആഭ്യന്തരം കയ്യിൽ വച്ച മുൻ നമ്പ്യാരും, നിലവിലെ ഇരു നായന്മാരും ഭീഷണിപ്പെടുത്തുമ്പോൾ, നിരുപാധികം ഭിക്ഷവാങ്ങി മടങ്ങുന്ന ചൂളിപ്പോകുന്ന അങ്കച്ചേവന്മാരുടേയോ?

മറ്റുള്ളവരെ നന്നാക്കാനിറങ്ങും മുമ്പേ സ്വയം നന്നാവുക; പുതു വത്സരമല്ലേ, നല്ല തീരുമാനങ്ങൾ എടുക്കുക, മനസ്സിലെങ്കിലും!