വനരാജ്യത്തിലെ ഹിരണ്യധനുസ്സ് എന്ന രാജാവിന്റെ മകനാണ് ഏകലവ്യൻ, അങ്ങനെയാണെങ്കിൽ അമ്മയുടെ പേര് ശ്രദ്ധ എന്നായിരുന്നു.
രണ്ട് വിധത്തിൽ പരാമർശ്ശിയ്ക്കപ്പെടുന്നു.
ആദ്യത്തേതിൽ കൃഷ്ണന്റെ സ്വന്തം ആണ് , രണ്ടാമത്തേതിൽ ബന്ധുവും.
കൃഷ്ണന്റെ പിതാവായ വസുദേവരുടെ സഹോദരൻ ദേവശ്രവന് കാനനകന്യകയിൽ പിറന്ന മകനാണെന്നും, രാജാവായ ഹിരണ്യധനുസ്സ് ദത്തെടുത്ത വളർത്തി എന്നുമാണ് കഥ; അപ്പോൾ കൃഷ്ണന്റെ സഹോദരൻ തന്നെ!
രണ്ടാമത്തേത് ഹിരണ്യധനുസ്സിനും ശ്രുതികീർത്തിയ്ക്കും പിറന്ന മകനാണെന്ന്; അങ്ങനെയാണെങ്കിൽ പിന്നീട് ശ്രുതികീർത്തിയെ ഭീഷ്മകൻ വിവാഹം കഴിച്ചുവെന്നും അതിൽ രുഗ്മിണി ജനിച്ചുവെന്നും കരുതണം. അപ്പോൾ ഭീഷ്മകന് ആദ്യഭാര്യയിൽ രുഗ്മി ഉൾപ്പടെ 5 പുത്രന്മാർ പിറന്നു. രണ്ടാമത്തെ ഭാര്യയിൽ രുഗ്മിണിയും. അതായത് രുഗ്മിയെക്കാൾ സഹോദരൻ ഏകലവ്യൻ ആണ്, രുഗ്മിണിയെ കൃഷ്ണൻ വിവാഹം കഴിച്ചു. അതിനാൽ തന്നെ കൃഷ്ണന്റെ അളിയൻ ആണ് ഏകലവ്യൻ! അർജ്ജുനനും ഏകലവ്യനും കൃഷ്ണന്റെ അളിയന്മാരാണ്.
ഈ രണ്ട് ധാരയും നമുക്കൊന്ന് ഒന്നിപ്പിയ്ക്കാം....
ആദ്യം നമുക്ക് ഹിരണ്യധനുസ്സ് ഏകലവ്യന്റെ വളർത്തച്ഛൻ മാത്രമാണെന്ന് കരുതാം, അദ്ദേഹത്തെ മാറ്റാം...
ഇനി ബാക്കിയുള്ള സമവാക്യം ലളിതമാണ്..
കൃഷ്ണന്റെ പിതാവായ വസുദേവരുടെ സഹോദരൻ ദേവശ്രവന് ഹിരണ്യധനുസ്സിന്റെ സഹോദരിയും കാനനരാജകുമാരിയുമായ ശ്രുതികീർത്തിയിൽ പിറന്ന മകനാണ് ഏകലവ്യൻ. യാദവൻ കടന്നു കളഞ്ഞപ്പോൾ സഹോദരീ പുത്രനെ ഹിരണ്യധനുസ്സ് സ്വന്തം മകനായി വളർത്തി, അദ്ദേഹത്തിന്റെ ഭാര്യ ശ്രദ്ധ അവന് മാതാവായി. പിന്നീട് ശ്രുതികീർത്തിയെ ഭീഷ്മകൻ വിവാഹം കഴിച്ചു, അവർക്ക് രുഗ്മിണി ജനിച്ചു, അവളെ കൃഷ്ണൻ വിവാഹം കഴിച്ചു. കൃഷ്ണൻ വിഷ്ണുവും, രുഗ്മിണി ലക്ഷ്മിയും ആണെന്ന് സങ്കൽപ്പിയ്ക്കുമ്പോൾ ഏകലവ്യൻ ഒരു കരടായി നിൽക്കുന്നു.
No comments:
Post a Comment